ШУУРХАЙ ЗӨВЛӨГӨӨН ХИЙЖ ДОТООД СУРГАЛТ ЗОХИОН БАЙГУУЛЛАА

2025-04-03    |   56

---

Тус шүүхийн Тамгын газар шуурхай зөвлөгөөнөө хийж “Шүүхийн сургалтын төлөвлөгөө”-ний дагуу “Нээлттэй шүүх хуралдааны бичлэгийг шүүхийн цахим хуудаст байршуулах журам”-ын талаар мэдээллийн технологийн мэргэжилтэн М.Баярмагнай, улирлын шүүн таслах ажлын мэдээ гаргахтай холбогдуулан статистик мэдээ тайлан гаргах чиглэлээр болон ажлын цаг ашиглалт, дотоод хяналтын чиглэлээр зохион байгуулалтын хэлтсийн дарга Б.Сэрүүнтунгалаг, эрүүгийн хэргийн статистик мэдээ гаргах, нэгтгэх асуудлаар хэргийн хөдөлгөөний удирдлагын хэлтсийн даргын албан үүргийг түр орлон гүйцэтгэгч Х.Наранцацрал нар тус тус мэдээлэл өгч, эрүүгийн хэргийн мэдээ гаргах шүүгчийн туслахууд мэдээ нэгтгэх талаар санал хүсэлтээ ярилцлаа.

Тус сургалтаар “Хэргийн хөдөлгөөний хяналтын журам”-ын дагуу сар бүрийн 20-ны өдрөөр тасалбар болгон хийдэг хэргийн хөдөлгөөний хяналтын талаар шүүгчийн туслах, шүүх хуралдааны нарийн бичгийн дарга, мэдээлэл лавлагааны мэргэжилтнүүдэд өдөр тутамдаа хийж хэрэгжүүлдэг ажлуудын чанар, хугацааны талаар анхааруулж, “Шүүхийн шийдвэрийг цахим хуудаст байршуулах журам”-ын дагуу эрх зүйн акт албажсаны дараа 10 хоногийн дотор shuukh.mn цахим системд нууцлалыг хангаж байршуулж хэвших талаар мэдээлэл өгөв.

Шуурхай зөвлөгөөнөөр хэргийн хөдөлгөөний чиглэлээр дараах мэдээллүүдийг хийж, өдөр тутамдаа анхаарч ажиллах ажлуудын талаар санал хүсэлтээ солилцов.

• Эрүү, иргэн, захиргааны хэргийн болон эрүү, иргэний хэргийн давж заалдах шатны шүүхийн эрх зүйн актыг холбогдох системүүдэд хугацаанд нь байршуулсан эсэх
• Эрх зүйн актууд, эрүү, иргэн, захиргааны хэргүүдийг архивд хугацаанд нь хүлээлгэн өгсөн эсэх
• Шүүх хуралдааны тэмдэглэлийг хугацаанд нь албажуулсан эсэх
• Shuukh.mn, live.shuukh.mn-ийн мэдээллүүдийг тус тус хийв.

ДАРХАН-УУЛ АЙМАГ ДАХЬ ШҮҮХИЙН ТАМГЫН ГАЗАР