“Эв нэгдэл-Эрч хүч 2024” спортын тэмцээнд амжилттай оролцов
2024-11-07 | 13Төв аймаг дахь шүүх, шүүхийн Тамгын газар болон тус шүүхийн залуучуудын зөвлөлөөс шүүгч, ажилтан, алба хаагчдын чөлөөлт цагийг зөв боловсон өнгөрүүлэх, биеийн тамир спортоор дамжуулан танилцах, ажлын туршлага солилцох зорилгоор төвийн бүсийн шүүх байгууллагуудын дунд зохион байгуулсан “Эв нэгдэл-Эрч хүч 2024” спортын 5 төрөлт аварга шалгаруулах тэмцээн 2024.11.01-11.02-ны өдрүүдийн хооронд ажилттай зохион байгуулагдаж, өндөрлөлөө.
Тус тэмцээнд Дархан-Уул аймаг дахь сум дундын шүүх болон давж заалдах шүүхийн баг тамирчид амжилттай оролцож, эрэгтэй ширээ теннисийн төрөлд-алт, буухиа тэмцээнд-алт, эрэгтэй гар бөмбөгийн баг тамирчид-хүрэл медаль авч, нийт багийн дүгээр 3 дугаар байрт шалгарсан амжилтыг үзүүллээ.
Тэмцээнийг ажилттай зохион байгуулсан Төв аймаг дахь шүүх, шүүхийн Тамгын газар болон тус шүүхийн залуучуудын зөвлөлд болон тэмцээнд оролцсон нийт шүүхүүдийн шүүгч, ажилтан алба хаагч нарт баяр хүргэж, цаашдын ажилд нь амжилт хүсье.