Зэвсэг хэрэглэж, хүний эрүүл мэндэд хүнд хохирол санаатай учруулсан хүнд хорих ял оногдуулав

Шийдвэрийн дугаар: 2024/ШЦТ/400

Шийдвэрийн төлөв: Хүчин төгөлдөр болоогүй.

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.”

Шүүгдэгч “Б” нь согтуурсан үедээ, 2024 оны ... сарын ...-ний өдрөөс ...-нд шилжих шөнө 03 цагийн орчим Дархан-Уул аймгийн, Хонгор сум, 2 дугаар баг, ... гэх газарт, иргэн “И”-тэй хувийн таарамжгүй харилцааны улмаас муудалцаж, зэвсэг хэрэглэж, зүүн дал хэсэгт нь хутгалж, цээжний зүүн талд хатгагдсан шарх, цээжний зүүн талын хөндийн шингэн хуралдалт бүхий хохирол санаатай учруулсан буюу хүний эрүүл мэндэд хүнд хохирол санаатай учруулсан гэмт хэрэгт холбогджээ.

Шүүх бүрэлдэхүүн “Б”-г зэвсэг хэрэглэж, хүний эрүүл мэндэд хүнд хохирол санаатай учруулсан гэмт хэрэг үйлдсэн гэм буруутайд тооцож, Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.4-т заасныг журамлан мөн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар 3 жил 4 сар 1 хоногийн хугацаатай хорих ял оногдуулж, оногдуулсан хорих ялыг нээлттэй хорих байгууллагад эдлүүлэхээр шийдвэрлэв.

Тоймыг бэлтгэсэн: Дархан-Уул аймаг дахь сум дундын Эрүүгийн хэргийн анхан шатны шүүхийн шүүгч Б.Гэршихбөртэ

Санамж: Энэ хураангуй нь шүүхийн бүрэн гүйцэд шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв. Шийдвэрийн дэлгэрэнгүй мэдээлэлтэй ЭНД ДАРЖ танилцана уу.